 |
| |
Die jaarlikse Spin marathon ten bate van Beeld-Kinderfonds beloof om weer vanjaar n baie opwindende geleentheid te wees!
Verlede jaar het 930 deelnemers die Spinmarathon ten bate van Beeld-Kinderfonds ondersteun! Ons wil u uitnooi:
Kom word ook deel van n baie opwindende Spinmarathon op Saterdag 18 September by die waterkant van Centurion Mall. Die marathon word aangebied ten bate van Beeld-Kinderfonds, in samewerking met Beeld, Exxaro en Centurion Mall. Virgin Active sal die fietse voorsien en Nomadik tente sal seker maak daar is genoeg beskerming teen son, wind en reën! Retief Vervoer sal soos gewoonlik weer die fietse vervoer. Baie groot dankie aan al ons borge!
Ons mikpunt is om vanjaar R 260,000 in te samel met die projek - stuur asseblief hierdie inligting aan na almal wat jy ken!
Beeld-Kinderfonds is liefdadigheidsorganisasie met die doel om geld in te samel vir kinders in nood en bestaan vanaf 1977. Die geld word aangewend vir kinders van alle rasse wat minderbevoorreg, verwaarloos, gestremd, mishandeld en/of gemolesteerd is, asook om kinders met of geraak deur MIV/Vigs te help met noodleniging, opvoeding en lewens-verryking. Lees meer op www.beeldkinderfonds.co.za
Die Spinning Marathon:
Die marathon duur 10 ure lank. Individue en spanne kan deelneem. Spanne bestaan uit 'n maksimum van 10 lede, maar kan ook uit minder lede bestaan. 'n Fiets word aan 'n span toegeken vir die dag en die span moet seker maak dat sy fiets beman is vir die 10 ure van die Spinning marathon.
Daar is 4 kategorieë om in deel te neem:
Kategorie 1: Span deelname
Spanne neem deel teen die spanfooi van R1500. Hierdie kategorie is betaalbaar 7 dae voor aanvang van die marathon (dus teen 11 September). Let daarop dat Virgin Active se spinfietse gebruik word en dat die fietse nie afstandmeters bevat nie. As jy nie self 'n span wil inskryf nie, kan jy 'n kinderhuisspan borg (Jakaranda Kinderhuis / Abraham Kriel Kinderhuis) @ R1500 om aan die dag deel te neem.
Kategorie 2: Spanne geborg per kilometer
Spanne skryf in en word per kilometer geborg. Die span wat die meeste kilometers trap staan die kans om uitstekende pryse te wen. Spanne kry afstandmeters op hul fietse en rekord word gehou van hul kilometers. In hierdie kategorie word die span geborg deur sy werkgewer (of enige ander maatskappy) teen 'n bedrag van sy keuse, bv R30/ R50 per kilometer Daar is egter 'n minimumbedrag betaalbaar van R2500, sou die span minder as R2500 inbring met die afstandkompetisie. Die bedrag is betaalbaar binne 7 dae na afloop van die marathon.
Die organiseerders sal behoorlik rekord hou van die kilometres getrap deur elke span.
Die totale sal direk na afloop van die marathon bekend gemaak word. Spanne moet aan Beeld-Kinderfonds bewys lewer van borgskappe, 10 dae voor die marathon.
Kategorie 3: Individuele inskrywings:
Koste: R150 per persoon per sessie. Bespreek vooraf die sessie waarin jy wil deelneem.
Kategorie 4: Individue: 10 ure uitdaging
In hierdie kategorie neem individue deel vir die volle 10 ure van die marathon en poog om vir 10 ure aaneen te trap.
Daar is reeds 3 individue wat elkeen die vir die volle 10 ure gaan deelneem. Hulle is Dirk Lourens, Oom Abie Botha (73 jaar oud) en Piet Laubscher.
Hierdie individue het die 10 ure uitdaging aangeneem en daag nog mense uit om ook so te maak. Hulle word per kilometer geborg om sodoende geld vir Beeld-Kinderfonds in te samel.
Beeld-Kinderfonds sal rekord hou van die kilometers en aan die borg 'n faktuur stuur vir die totaal. Die borg moet skriftelik bevestig met watter bedrag die individu geborg word. Faks dit saam met die inskrywingsvorm aan Beeld-Kinderfonds, faksnommer: 0866-234-155.
Borgskap geleenthede:
1.Borg 'n span van 'n Kinderhuis om deel te neem @ R1500 per span; Daar is spanne van Jakaranda Kinderhuis en Abraham Kriel in Potch en 'n Shelter in Pretoria, wat graag wil deelneem; Die kinders kan t-hemde met die borg se embleem dra.
2. Borg die individuele deelnemers wat die 10 ure uitdaging aangeneem het. Borgskappe moet verkieslik nie minder as R30 / kilometer wees nie en kan enige bedrag bo dit wees, want baie geld is nodig om kinders in nood te help!
3. Borge sal belastingsertifikate vanaf Beeld-Kinderfonds ontvang, asook 'n BBBEE brief.
Die marathon duur van 08:00 tot 18:00 met sessies van sowat 50 minute elk. Spanne mag uit minder as 10 lede bestaan, dus mag spanlede in meer as een sessie deelneem.
Deelnemers sal elk 'n medalje en handdoek geborg deur Exxaro ontvang. Energiedrankies, water en waterbottels sal voorsien word deur Powerade. Die winkels by Centurion Mall gee verder ook pryse wat tydens elke spin sessie gewen sal kan word met gelukstrekkings. Nomadik Stretch Tents sal verseker dat deelnemers lekker skadu het en Virgin Active sal weer hulle fietse beskikbaar stel. Pete van der Merwe sal weer sorg dat daar voortdurend aksie is en Retief Vervoer in Centurion sal weer die fietse vervoer.
Centurion Mall sal verseker dat dat daar vermaak is vir die hele gesin. 'n Put-put baan en lekker speletjies vir die kinders sal heeldag aangebied word.
Kom word deel van die dag, of borg 'n span van 'n kinderhuis om te kan deelneem. Dit is 'n lekker spanbou geleentheid waarmee jou besigheid ook kinders in nood kan ondersteun. Maatskappye wat die projek ondersteun, sal belastingsertifikate ontvang.
Ons gaan weer bekendes en beroemdes uitnooi om aan die dag deel te neem. Bekendes wat verlede jaar deelgeneem het, is: Annelie, Vince en Ryno van 7de Laan; Sangers: Lianie May, Bok van Blerk van Sean Els. 'n Hele span van Kyknet se Binnelanders en Liesel van der Westhuizen was ook daar.
Inskrywingsbesonderhede:
Die Inskrywingsvorms volg hieronder. Navrae kan gerig word aan Adrie van Staden, Beeld-Kinderfonds, tel: 011976-2273 / info@beeldkinderfonds.co.za of www.beeldkinderfonds.co.za |
|
|
